【精華片段】張敬軒美國巡唱「挑機」連唱春秋、酷愛 返港300歌迷接機
【Now.com】張敬軒日前完成《THE NEXT 20 HINSCHEUNG LIVE AROUND THE WORLD》美國巡迴最後一站，軒仔是首位華人歌手於紐約「UBS Arena at Belmont Park」舉行演唱會，場館方面更在完show後向軒仔送上香檳。軒仔與50人的團隊昨日（11日）回港，近300名歌迷到機場接機。 演唱會上，軒仔坦言會上YouTube睇大家cover他歌曲、網上點評他唱歌的短片，每次睇片都十分開心，因為無論好評還是負評，都是他進步的動力。於是在紐約站的歌單上，軒仔作了一個特別的編排，將被歌迷、網民譽為十分『蝦人唱』 的神曲《春秋》及2014年演唱會版的《酷愛》連續兩首一齊唱，除了「挑機」自己，同時亦作為自己的一個考試，「以下呢兩首歌，我啲friend話一定要喺卡拉ok飲大咗幾杯先至夠膽唱，我有時諗，我咁夠膽今晚喺近一萬人面前將呢兩首歌拼埋唱，我都應該係飲大咗！印象中未試過喺演唱會將呢兩首歌拼埋一齊唱，今晚一口氣送俾呢兩首《春秋》、《酷愛》，thank you。」
【Now.com】張敬軒日前完成《THE NEXT 20 HINSCHEUNG LIVE AROUND THE WORLD》美國巡迴最後一站，軒仔是首位華人歌手於紐約「UBS Arena at Belmont Park」舉行演唱會，場館方面更在完show後向軒仔送上香檳。軒仔與50人的團隊昨日（11日）回港，近300名歌迷到機場接機。
演唱會上，軒仔坦言會上YouTube睇大家cover他歌曲、網上點評他唱歌的短片，每次睇片都十分開心，因為無論好評還是負評，都是他進步的動力。於是在紐約站的歌單上，軒仔作了一個特別的編排，將被歌迷、網民譽為十分『蝦人唱』 的神曲《春秋》及2014年演唱會版的《酷愛》連續兩首一齊唱，除了「挑機」自己，同時亦作為自己的一個考試，「以下呢兩首歌，我啲friend話一定要喺卡拉ok飲大咗幾杯先至夠膽唱，我有時諗，我咁夠膽今晚喺近一萬人面前將呢兩首歌拼埋唱，我都應該係飲大咗！印象中未試過喺演唱會將呢兩首歌拼埋一齊唱，今晚一口氣送俾呢兩首《春秋》、《酷愛》，thank you。」
期間，台下又有歌迷大叫他「除衫」，軒仔隨即望向台下，「你哋睇佢寫咩，『除衫，我有錢。』我最憎就係啲人用錢嚟『撻』我！你有幾多錢呀？嚟台底傾。」引得全場大笑。軒仔又說：「我話晒今年都四張幾，你哋有冇咁鍾意睇一個中年男人除衫呀？返去睇你老竇除咪一樣，哈哈。不過咁，我呢，keep得好好，晚晚返去都有磨砂，又搽吓我代言嘅護膚品、食吓啲supplement，咁真係滑啲。」搞笑之餘又乘機推介代言產品，果然是「全港最TOP KOL」。
由於未有加拿大場次，有不少歌迷從加拿大開近12個小時車到紐約欣賞演唱會，喜歡軒仔程度可想而知，主辦單位透露積極研究加拿大場次，免得歌迷們舟車勞頓。
此行除了演唱會，軒仔亦乘機參觀當地多個studio及與不同的音樂人會面，當中更與美國R&B天后Alicia Keys的音樂班底交流一番。
Photo、Video / 大會提供
What's Your Reaction?
