足本訪問： 楊祐寧為太太護膚品牌站台放閃 直呼做代言人要收「夫妻price」 二度榮升爸爸爆湊B絕技係唱歌

【Viu】台灣型男楊祐寧專程飛香港，為太太Melinda嘅護膚品品牌站台，兩公婆sweet爆見傳媒，大派心心放閃光彈！祐寧直言見到太太嘅自家品牌成績咁好，都好為佢感到驕傲！笑問佢係咪會做埋代言人？祐寧抵死笑話太太個品牌目前好似冇呢個預算，老實不客氣話會收「夫妻price」，但今次快閃宣傳就唔收酬勞嘅，純粹愛的鼓勵！祐寧約兩個月前再做爸爸，一臉慈父樣話掛住兩位「前世情人」，每日都會video call，又指下次會帶埋小朋友嚟香港玩！佢亦沾沾mode話可以一打二，仲自爆湊B絕技係唱歌，不過大囡好似有啲「微言」！講到太太閃電修身成功，祐寧爆屋企長老指太太好適合生小朋友，雖然佢自己都再想要小朋友，但又怕畀壓力太太，係暖男呀！另外，祐寧又透露其監製作品《今夜一起為愛鼓掌》嘅後製進步，笑指啲大尺度部分交畀楊謹華負責，佢就專注「可愛」就得，想知更多就即刻睇足本訪問片啦！ 瀏覽 Viu網頁觀看影片