足本訪問： 洪嘉豪對衛蘭衛詩離巢感不捨 澄清每位歌手有專屬資源 不信其離巢傳聞 晒黃金右腳與曼聯名宿維迪主持開球禮

【Viu】自稱有「黃金右腳」嘅「院長」洪嘉豪，今日受邀為《賽馬會青少年足球精英匯》與曼聯名宿維迪擔任開球禮嘉賓，大騷腳法！事後院長笑話太耐冇踢波，都擔心最尾射唔入龍門，好彩最後冇丟架！笑提有網友指佢「轉會」變曼迷，Kaho機智化解，係叻嘅！至於提到Janice衛蘭疑因不滿華納資源分配不均，不滿公司只力谷MC張天賦、Kaho，決與孖生妹妹Jill衛詩一同離巢。Kaho指對Janice、Jill離開公司都感到不捨，又指兩位姐姐對自己好好，所以私下都有send千字文畀佢哋，搞笑話希望佢哋自由身更易約食飯。而有關公司資源分配問題，Kaho謂每位歌手都各有專屬資源，故絕對唔係外間所講嘅不公，亦唔相信Janice、Jill因資源問題離開公司。想睇院長強勁嘅黃金右腳射波、其他訪問內容，就梗係睇足本訪問！ 瀏覽 Viu網頁觀看影片