鄧麗欣爆網上購物被盜用信用卡 出歌成數創新高 預告今年內實行

【Viu】Stephy鄧麗欣今日為fashion brand活動擔任嘉賓，話私下鍾意online shopping多過行街，不過一去旅行就會放肆喪買！因為成日online shopping，所以少不免中伏，例如貨不對版、唔啱size、甚至被盜用信用卡，好彩及時發現，冇太大損失！早前見Stephy出ig為主演新戲《白晝如焚》後期配音，佢自爆瞬間入戲有爆喊，又透露有為新戲唱埋主題曲，但始終唔同出自己歌，個感覺係爭少少！而見Stephy每次都話考慮再出新歌，今次再問佢就有唔同答案啦！佢笑話成數最高嘅一次，打算係今年內實行，fans們留名聽歌啦要！另外，台灣勁吹「#MeToo」風，Stephy指有留意，但幸好自己未曾遇過，又謂女孩子要好好保護自己。 瀏覽 Viu網頁觀看影片