鍾培生TKO Toyz世紀擁抱 193 保錡唔敢打對方 肥仔Dee哥成箭靶

【Viu】鍾培生同積怨十年嘅Toyz劉偉健嘅世紀之戰，噚晚喺台北小巨蛋上演，最終鍾培生以TKO技術性擊倒（Technical Knock Out）獲得勝利，而兩人喺擂台上都放下私怨，互相擁抱，尊重運動精神！賽前揚言要打斷鍾培生鼻骨嘅Toyz，最終被對手打到流鼻血，佢仍大方話：「請大家給培生一點掌聲，能打他幾拳我很開心！」佢仲喺直播度宣布今日請Fans飲自家品牌嘅「中焙生乳紅茶」，認真豪氣！至於鍾培生勝出後即寸爆酸民話：「一開始說我會輸的人到底在哪？」又同Toyz講：「希望你接下來坐完牢可以改過！沒有底線的人是不行的！」ERROR成員193同保錡專程嚟睇拳賽，3爺笑言唔敢同MIRROR對打，只想同肥仔打返場，事關ERROR冇Fans咁話！而保錡就嚟撐偶像孫生，雖然偶像贏出比賽，但佢就集郵失敗喇，飲恨呀！此外，微辣嘅Black Joe雖然畀王郁人打中「小Joe Joe」，痛到跪地，眼角亦爆缸，好彩都贏到！ 瀏覽 Viu網頁觀看影片