Ian魅力沒法擋 常秘羅淑佩貼地追星 房署：無影響參與暴雨善後工作
【Now.com】MIRROR成員陳卓賢 (Ian) 喺世紀暴雨襲港之後嘅周六到機場錄影，吸引大批Hellosss到機場支持，公開認係「Hellosss」嘅房屋局常任秘書長羅淑佩被影亦喺現場，期間緊隨Ian身旁，笑容滿面，仲不時含情脈脈望住偶像添。 Ian當日喺機場錄影一個電台音樂節目，從粉絲拍攝嘅片段見到，現場有大批粉絲支持偶像，Ian就向佢哋合十及揮手致意，一名身穿黑色長裙、拿着手袋嘅女士亦喺Ian附近，看到偶像時不時嘴角向上，少女情懷總是詩，有網民發現呢位女士係前運輸署署長、上月升任房屋局常任秘書長嘅羅淑佩！
【Now.com】MIRROR成員陳卓賢 (Ian) 喺世紀暴雨襲港之後嘅周六到機場錄影，吸引大批Hellosss到機場支持，公開認係「Hellosss」嘅房屋局常任秘書長羅淑佩被影亦喺現場，期間緊隨Ian身旁，笑容滿面，仲不時含情脈脈望住偶像添。
Ian當日喺機場錄影一個電台音樂節目，從粉絲拍攝嘅片段見到，現場有大批粉絲支持偶像，Ian就向佢哋合十及揮手致意，一名身穿黑色長裙、拿着手袋嘅女士亦喺Ian附近，看到偶像時不時嘴角向上，少女情懷總是詩，有網民發現呢位女士係前運輸署署長、上月升任房屋局常任秘書長嘅羅淑佩！
本港今年5月推出「易通行」，羅淑佩當時身為運輸署署長經常接受傳聞訪問，向公眾介紹說明呢個不停車繳費系統，7月喺商台一個節目上坦言自己係Hellosss，更大讚Ian「呢個年輕人好乖，注重交通安全，又向媽媽承諾唔會揸快車，即使有工作喺身亦會守規矩，寧願預多些時間」，可見羅淑佩非常欣賞Ian。
本港近日發生世紀暴雨，政府啟動「全政府動員」機制處理暴雨善後工作，房屋署回覆傳媒查詢話，房屋局常任秘書長/房屋署署長羅淑佩一直全力督導房屋署嘅工作人員進行黑雨後嘅公共屋邨善後工作，強調佢喺私人時間參與活動，無影響佢參與善後工作，署方不評論佢公餘時間嘅活動。
據了解，Ian呢個活動原定9月2日舉行，再改到9月8日下午，最後受黑雨影響延至9月9日傍晚舉行，羅淑佩出席活動約1小時。Ian當日喺機場錄影節目，除分享自己嘅旅遊習慣，又自彈自唱多首歌曲，再喺Hellosss要求下唱咗新歌《仍在》。
What's Your Reaction?
