姜濤開騷烏蠅都捧場 深夜再與小豬互相感激勉勵 向姜糖派定心丸「以前嗰個我仲喺度」

【Viu】一連4場《KEUNG TO：“WAVES” IN MY SIGHT SOLO CONCERT 2023》噚晚圓滿落幕，姜濤成就解鎖邀得偶像小豬做嘉賓，世紀同台跳唱《No Joke》同《夠了》，仲話就算推晒啲Job，都要做小豬演唱會嘉賓，「迷弟姜」仲唔捨得落台換衫，全程心心眼望住小豬，「超級冠軍」秒變「超級粉絲」呀！事後姜濤喺社交網站指，噚晚一次過達成兩個夢想，一係開騷，二係同小豬同台，小豬亦有留言鼓勵唔好畀負評打倒，要銘記Fans嘅愛同支持，將來喺更大嘅舞台見，超有愛呀！除咗偶像小豬做嘉賓，姜Admin開騷連動物界嘅朋友都嚟睇呀，只見佢畀烏蠅搞到變「少女姜」尖叫，真係Cute到裂㗎！姜濤最後兩度Encore，換上波衫feel造型登場，唱足25首歌完結首次大型個唱。而兩大影后Do姐同毛姐事後都大讚姜仔Good Show呀！受訪時，姜濤直言會聽小豬話唔打邊爐，仲語重心長咁同姜糖講，以前嘅「開心姜」仲喺度，大家可以放心喇！ 瀏覽 Viu網頁觀看影片